"ბარსელონას" თავდამსხმელმა ლიონელ მესიმ "ელ კლასიკოს" შემდეგ (1:1), რომელიც მადრიდში გაიმართა, "სამეფო კლუბის" მცველ ალვარო არბელოასა და ჟოზე მოურინიოს ასისტენტ აიტორ კარანკას სიტყვიერი შეურაცხყოფა მიაყენა."სანტიაგო ბერნაბეუსთან" ახლოს მესის არბელოასთან შელაპარაკება მოუვიდა და არგენტინელმა ესპანელს იდიოტი უწოდა. არბელოას ამ დროს ცოლი ახლდა.
აღნიშნული ინფორმაცია ტელეგადაცემა Punto Pelota-ში გაჟღერდა, ხოლო ტელეარხმა La Sexta-მ და რადიო La COPE-მ ლიონელ მესისა და აიტორ კარანკას კონფლიქტზე ისაუბრეს.
"მოკეტე! შენ, უბრალოდ, მოურინიოს თოჯინა ხარ", - იყვირა მესიმ. ინციდენტი საფინალო სასტვენის შემდეგ მოხდა.
