ესპანეთის ნაკრების შემადგენლობის დასახელების შემდეგ გუნდის თავკაცმა ვისენტე დელ ბოსკემ პრესკონფერენცია გამართა. პრესკონფერენციაზე მან რამდენიმე ფეხბურთელის არგამოძახება ახსნა.
იაგო ასპასის და მიჩუს არ გამოძახება
პირველ რიგში, ყველა ელოდა ორ ახალწვეულს შეტევის ხაზზში: იაგო ასპასს "სელტადან" და მიგელ მიჩუს "სუონსი სიტიდან". დელ ბოსკე თავად აცხადებდა, რომ მათ მიიწვევდა, მაგრამ ურუგვაისთან მატჩისთვის შემადგენლობაში არც ერთია და არც მეორე.
"მიჩუ ნამდვილად იმსახურებს ჩვენს ყურადღებას, ჩვენ ძალიან ვაფასებთ მის გოლებს პრემიერლიგაში. ის იმსახურებს ნაკრებში მოხვედრას, მაგრამ ძალიან დიდი კონკურენციაა ეროვნულ გუნდში. იგივეს თქმა შემიძლია
ტორესი და ვილია
ჟურნალისტებმა ყურადღება მიაქციეს იმასაც, რომ სიაში არაა ფერნანდო ტორესი, მაგრამ დაახლოებით იგივე სიტუაციაში მყოფი დავიდ ვილია გუნდშია:
"ტორესი ამ ეტაპზე ვერ მოხვდა ნაკრებში, ისევე როგორც ბევრი სხვა. ნუ შევადარებთ ვილიას შემთხვევას. დიახ, ვილია ვერ ხვდება "ბარსელონას" შემადგენლობაში, მაგრამ ვილია უნიკალურია ნაკრებისთვის. და მას ცოტა სხვანაირად ვუდგებით. სხვა არავინაა, რომელიც 9-თვიანი ტრავმიდან დაბრუნდა, სხვა არავის გაუტანია მსოფლიოს ჩემპიონატზე 5 გოლი, სხვა არც ერთ თავდამსხმელს მიუძღვის ჩვენ ნაკრებში ამხელა წვლილი, რამხელაც დავიდს".
პუიოლის საქციელი
სალამანკელი სპეციალისტი მიესალმება ნაკრებში კარლეს პუიოლის დაბრუნებას, რომლისთვისაც 6 თებერვლის მატჩი მე-100 იქნება ეროვნულ გუნდში. დელ ბოსკე ახლახან კლასიკოს დროს მომხდარ ინციდენტსაც გამოეხმაურა, როცა "ბარსას" კაპიტანმა არ მისცა პიკეს უფლება მსაჯისთვის ტრიბუნებიდან ნასროლი სანთებელა ეჩვენებინა:
"ძალიან გვიხარია კარლესი რომ დაბრუნდა ნაკრებში. ის ყველას მაგალითია, როგორც მოედანზე ისე მის გარეთ. თუნდაც კლასიკოს დროს მომხდარი ფაქტი ავიღოთ, პუიოლის ღირსეული საქციელი ძალიან კარგად შეაფასეს მადრიდშიც და ბარსელონაშიც. ეს იყო ძალიან კარგი საქციელი".
ხავი მარტინესის არ გამოძახება
ნაკრებში არ არის მიუნხენის "ბაიერნის" ნახევარმცველი ხავი მარტინესი:
"დიახ, ვერც ხავი მარტინესი მოხვდა გუნდში, ვერც ტიაგო ან ბენიატი, ან თუნდაც ხავი გარსია. ყველას ვერ დავუძახებთ, ამის საშუალება არ არის, თუმცა არ არის გამორიცხული, რომ სხვა მატჩებში ეს ბიჭები გამოჩნდნენ და სხვები არ გამოვიძახო".
ასევე იხილეთ:
ვისენტე დელ ბოსკემ ესპანეთის ნაკრების შემადგენლობა დაასახელა
