ესპანეთის ჩემპიონატის 25-ე ტურის მატჩში "ატლეტიკომ" რადამელ ფალკაოს პენალტით 1:0 დაამარცხა "ესპანიოლი". მართალია, ტაიმის ბოლოს მასპინძლები 10 კაცით დარჩნენ (გაბი გააძევეს), მაგრამ დიეგო სიმეონეს გუნდმა შეინარჩუნა მომგებიანი ანგარიში."ატლეტიკო" 25 ტურიდან 56 ქულით მე-2 ადგილზეა და "რეალს" 4 ქულით უსწრებს.
"მას მერე, რაც ათნი დავრჩით, ფანტასტიკურად ვითამაშეთ. რაც შეეხება მსაჯთა გადაწყვეტილებებს - მათ სისწრაფეში უწევთ გადაწყვეტილებების მიღება. შეცდომები გამორიცხული არაა და ჩვენ ამას უნდა შევეგუოთ. ჩემი ფეხბურთელების თამაშის გამო ბედნიერი ვარ. მინდა ვთქვა, რომ ეს "ატლეტიკო" კლუბის მდიდარ წარსულს შეეფერება",
"უნდა ვაღიარო, რომ "ატლეტიკომ" დამსახურებულად მოიგო. მათ მეტი გოლის გატანაც შეეძლოთ. ამის მიზეზი ქაოსია ჩვენს დაცვის ხაზში. მეტოქემ მაღალი სათამაშო დისციპლინა გამოავლინა - ასეთ "ატლეტიკოს" ძნელია, გაუძალიანდე", - აღიარა "ესპანიოლის" მექსიკელმა თავკაცმა ხავიერ აგირემ.
ასევე იხილეთ:
ლა ლიგა. XXV ტური: ალეგრი - "ბარსას" ალერგიის წამალი? [VIDEO]
