"ბარსელონას" მთავარი მწვრთნელის ასისტენტმა ჟორდი როურამ "რაიო ვალეკანოსთან" ესპანეთის ჩემპიონატის 28-ე ტურის მატჩამდე განაცხადა, რომ ტრავმირებული კარლეს პუიოლი გუნდს ნამდვილად დააკლდება.შეგახსენებთ, რომ "ბარსელონა" ლა ლიგის სატურნირო ცხრილს ლიდერობს და ამჟამად "რეალს" 10 ქულით უსწრებს.
"ეს ძალიან რთული და მნიშვნელოვანი მატჩი იქნება. თუ მოვიგეთ, ჩვენს მიზანს მივუახლოვდებით.
პუიოლის გარეშე გაგვიჭირდება, თუმცა ფეხბურთელები მოედანზე მაქსიმალურად კონცენტრირებულები გამოვლენ.
რაც შეეხება ვილანოვას დაბრუნებას, ძალიან მახარებს ეს ამბავი", - თქვა როურამ.
მომზადებულია Football Espana-ს მიხედვით
