მადრიდის "რეალის" მთავარი მწვრთნელის ასისტენტმა აიტორ კარანკამ კომენტარი გააკეთა ინფორმაციაზე, თითქოს მოურინიომ პსჟ-ს "ბარსელონასთან" ორი გამარჯვების ვიდეომიმოხილვა გადასცა."ეს, უბრალოდ, სასაცილოა. შემდეგი კითხვა...
რაც შეეხება ჩემს მომავალს, ძალიან მომწონს ახლანდელი სამწვრთნელო შტაბი და არსად წასვლას არ ვაპირებ.
მომავალზე მაშინ ვიფიქრებ, როცა მოურინიო "რეალიდან" წასვლას გადაწყვეტს. მანამდე კი მასთან ვიმუშავებ", - თქვა კარანკამ.
შეგახსენებთ, რომ გავრცელდა ინფორმაცია, თითქოს მოურინიო პსჟ-ს დახმარებაზე დათანხმდა, რადგან კარგი ურთიერთობა აქვს კარლო ანჩელოტისთან, სპორტულ დირექტორ ლეონარდოსთან და პრეზიდენტ ნასერ ალ-ჰელაიფისთან.
მომზადებულია AS-ის მიხედვით
