კატალონიელებს უკვე ეცოდინებათ, თუ როგორ ითამაშა მადრიდის "რეალმა" ალიკანტეში, რადგან "სამეფო კლუბი" ორი საათით ადრე იწყებს. "სევილიას" თამაშის პროგნოზი ძალზე რთულია, გუნდი ძალზე არასტაბილურია, თუმცა გრეგორიო მანსანოს მისვლის შემდეგ ყველაფერი უკეთესობისგენ წავიდა, ფორმაში შედის გუნდის მთავარი
გვარდიოლას ბანაკში კარგი სიახლეებია: ხუთშაბათიდან სრულფასოვნად ვარჯიშობენ ჩავი და გაბრიელ მილიტო. "ბარსელონას" ერთადერთი ტრავმირებული ჰყავს - ჟეფრენ სუარესი, რომელიც "სამეფო თასზე" დაშავდა, თუმცა ჟეფრენი ძირითადი შემადგენლობის ფეხბურთელი მაინც არ არის.
გაცილებით მეტი საფიქრალი აქვს ამ მხრივ მანსანოს: ფედერიკო ფასიო და ხესუს ნავასი ვერ ახერხებენ დროულად გამოჯანმრთელებას. ნავასი ორ-სამ დღეში დადგება ფეხბზე, შაბათს მისი გამოყვანა კი ძალზე სარისკო საქციელი იქნება. თამაშს გამოტოვებს "სევილიას" გოლკიპერი ანდრეს პალოპი, ტრავმირებულია ნახევარმცველი ტიბერიო გუარენტე, დისკვალიფიკაცია აქვს ცენტრალურ მცველ ფერნანდო ნავაროს.
სავარაუდო შემადგენლობები
ბარსელონა (4-3-3): ვალდესი - დ. ალვეში, პუიოლი, პიკე, მაქსველი - ჩავი, ბუსკეტსი, კეიტა - მესი, ვილია, ინიესტა.
სევილია (4-4-2): ხ. ვარასი - კონკო, კასერესი, ალექსისი, ლუნა - რენატო, რომარიკი, ალფარო, პეროტი - კანუტი, ლ. ფაბიანო.
ჟოზე მოურინიოს გუნდი ალიკანტეს სტუმრობს. სწორედ "ერკულესის" "ანგარიშზეა" წლევანდელი პრიმერას ყველაზე დიდი სენსაცია - როცა სეგუნდადივიზიონიდან ამოსულმა გუნდმა "კამპ ნოუზე" "ბარსელონა" დაამარცხა. პარაგვაელი ნელსონ ვალდესი, რომელიც იმ გახმაურებული მატჩის გმირი გახდა 2 გოლით, იმედიანადაა: "რატომ არ შეიძლება, რომ შინ დავამარცხოთ "რეალი"? ჩვენ ხომ "ბარსელონას" სტუმრად მოვუგეთ".
"ერკულესის" ჰოლანდიელი ნახევარმცველი როისტონ დრენტე ისეთი დილემის წინაშეა, რომ, ალბათ, თამაშს უარს იტყვის - დრენტე "რეალის" საკუთრებაა და ვალენსიურ კლუბში იჯარის წესით თამაშობს. მადრიდელთა თავკაცებმა განაცხადეს, რომ არ არიან წინააღმდეგი, დრენტემ მათი გუნდის წინააღმდეგ ითამაშოს, ოღონდ, ამ შემთხვევაში დრენტემ საკუთარი ჯიბიდან 2 მილიონი ევრო უნდა გადაიხადოს "რეალის" სასარგებლოდ. ამ თემაზე ლაპარაკი დიდი ხანია დაიწყო, მაშინვე მადრიდელებმა გარკვეული კომპენსაცია მოითხოვეს, თუკი მათი კლუბის წევრ "რეალის" წინააღმდეგ ითამაშებდა, "ერკულესი" კომპენსაციის გადახდას არ აპირებდა, დრენტე კი იმუქრებოდა, რომ თავად შეაგროვებდა კომპენსაციის ფულს, ისე სურდა მადრიდელთა წინააღმდეგ თამაში. "რეალმაც" კომპენსაციის თანხად... 2 მილიონი ევრო დაასახელა. ასე რომ, დრენტე მაყურებლებში გადაინაცვლებს.
დავიდ ტრეზეგე ორმატჩიანი დისკვალიფიკაციის შემდეგ უბრუნდება გუნდს. ჟოზე მოურინიოს ოთხეული აკლია: ლასანა დიარა, კაკა, ფერნანდო გაგო და ესეკიელ გარაი. სათასო შეხვედრა მესუთ იოზილმა, ჩაბი ალონსომ და რიკარდო კარვალიომ გამოტოვეს, თუმცა ალიკანტეში ისინი ისევ სასტარტო შემადგენლობას უბრუნდებიან.
სავარაუდო შემადგენლობები
ერკულესი (4-4-2): კალატაიუდი - კორტესი, პასი, პამარო, პენია - ტ. გომეში, ფრიტცლერი - რუფეტე, აგილარი - ტრეზეგე, ვალდესი.
რეალი (4-2-3-1): კასილიასი - ს. რამოსი, პეპე, რ. კარვალიო, მარსელო - ხედირა, ჩ. ალონსო - რონალდო, იოზილი, დი მარია - იგუაინი.
ჩემპიონატის ბომბარდირმა კრიშტიანო რონალდომ და "ნაიკმა" საზოგადოებას ახალი ბუცები "საფარი" წარუდგინეს, რომელიც... ლეოპარდის (ჯიქის) ტყავისგანაა დამზადებული. "ეს ზუსტად ისაა, რაც მინდა - ბუცის გაფორმება ძალიან მომწონს, მისი მონაცემები კი საუკეთესოა", - აცხადებს რონალდო, რომელმაც, დიდი შანსია, "საფარი" უკვე ალიკანტეში მოირგოს. ჩვენი მხრიდან დავძენთ, რომ ბუცები კრიშტიანოს კი მოსწონს, მაგრამ ჭყეტელა ფერებით საშინელი სანახავია.
დღეს
ვალენსია-სარაგოსა 20:00
ერკულესი-რეალი 22:00
ბარსელონა-სევილია 00:00
ხვალ
სპორტინგი-ვილიარეალი 20:00
დეპორტივო-ესპანიოლი 20:00
მალაგა-რეალ სოსიედადი 20:00
რასინგი-ოსასუნა 20:00
ატლეტიკო-ალმერია 22:00
ბილბაო-ხეტაფე 00:00
ზეგ
მალიორკა-ლევანტე 00:00
თ მ ფ წ ბ ქ
1. რეალი 8 6 2 0 22-4 20
2. ვილიარეალი 8 6 1 1 16-6 19
3. ბარსელონა 8 6 1 1 14-6 19
4. ვალენსია 8 5 1 2 13-8 16
5. ესპანიოლი 8 5 0 3 8-10 15
6. სევილია 8 4 2 2 14-11 14
7. ხეტაფე 8 4 1 3 14-10 13
8. ატლეტიკო 8 4 1 3 12-9 13
9. მალიორკა 8 3 2 3 7-8 11
10. ბილბაო 8 3 1 4 14-14 10
11. სოსიედადი 8 3 1 4 10-11 10
12. ოსასუნა 8 2 3 3 7-6 9
13. ერკულესი 8 2 3 3 8-9 9
14. სპორტინგი 8 2 2 4 8-14 8
15. ლევანტე 8 2 2 4 8-14 8
16. ალმერია 8 1 4 3 6-7 7
17. მალაგა 8 2 1 5 13-19 7
18. რასინგი 8 2 1 5 5-14 7
19. დეპორტივო 8 0 4 4 3-14 4
20. სარაგოსა 8 0 3 5 6-14 3
ბომბარდირები: 9 - რონალდო (რეალი); 6 - ლორენტე (ბილბაო); 5 - ნილმარი (ვილიარეალი), მესი (ბარსელონა), იგუაინი (რეალი); 4 - ვალდესი (ერკულესი), ტრეზეგე (ერკულესი).
ყოველდღიური სპორტული გაზეთი
"ლელო"
