"ბარსელონას" მცველმა დანიელ ალვეშმა გუნდისთვის ლიონელ მესის მნიშვნელობის შესახებ ისაუბრა და ის მადრიდის "რეალის" ფეხბურთელ კრიშტიანო რონალდოს შეადარა."მესიმ იცის, რომ მსოფლიოში საუკეთესოა. მას რაღაც მაგიური ძალა აქვს. მხოლოდ მოედანზე ყოფნით შეუძლია თამაშის ბედის შეცვლა.
ვაფასებთ მის წილს გუნდის წარმატებაში.
ჯერ კიდევ არის დრო, რომ მესი "ბაიერნთან" მატჩისთვის მოემზადოს. პსჟ-ის წინააღმდეგ თამაშის დროს ბოლომდე ჯანმრთელი არ იყო.
- რატომ ფიქრობთ, რომ მესი კრიშტიანო რონალდოზე უკეთესია?
- მესის ღვთისგან ბოძებული ნიჭი აქვს, რონალდომ კი ყველაფერს საკუთარი შრომისმოყვარეობით მიაღწია. აი, რაშია განსხვავება.
მომზადებულია AS-ის მიხედვით
