ლეო მესიმ ულამაზესი გოლი გაიტანა, მაგრამ "ბარსელონამ" საფეხბურთო კათედრალზე ვერ გაინაღდა ჩემპიონობა. კატალონიურ ლიდერსა და ჩემპიონ "რეალს" შორის სხვაობა 11 ქულაა. დიდი ალბათობით, არც მომავალ ტურში გაფორმდება "ბარსას" ჩემპიონობა, რადგან ნაკლებად სავარაუდოა, "სამეფო კლუბმა" შინ "ვალიადოლიდთან" ქულები დაკარგოს. წინა ტურმა მთავარი, რაც გადაწყვიტა, ეს ჩემპიონთა ლიგის ბოლო საგზურის მფლობელის ვინაობაა: სან სებასტიანში "რეალ სოსიედადმა" უშუალო კონკურენტ "ვალენსიას" კუდით ქვა ასროლინა და ახლა, ფინიშამდე 5 ტურით ადრე, 5 ქულით უსწრებს მას. რა თქმა უნდა, ყველაფერი შეიძლება მოხდეს კიდევ მაინც, თუმცა...
მარკას
გაზეთი "მარკა" ყოველ ტურში, თითოეულ თამაშში 3 საუკეთესო ფეხბურთელს გამოყოფს, რომელთაგანაც მკითხველები მატჩის საუკეთესოებს ირჩევენ. "მარკამ" დააჯამა მიმდინარე შედეგები: პირველ ადგილზე გასულ ფეხბურთელებს სამი ქულა ეწერებათ, მეორე ადგილზე გასულებს 2 და მესამეადგილოსნებს - 1.
33 ტურის შეჯამების შემდეგ 58 ქულით პირველ ადგილზე, ბუნებრივია, ლეო მესია. აი, მეორე ადგილის გამოცნობა კი გაგიჭირდებათ - მეორეზე "რეალ სოსიედადის" მექსიკელი ფორვარდი კარლოს ველაა 41 ქულით. კრიშტიანო რონალდო და ჯოვანი დოს სანტოსი (მალიორკა) 40-40 ქულით მესამე ადგილს იყოფენ.
"ჯიოს" ეს შედეგი მთლად საოცრებაა - ჯერ ერთი, მისი გუნდი ბოლოადგილოსანია, მეორეც, დოს სანტოსმა ოქტომბრის ბოლოდან დაიწყო თამაში. ველა 24 წლისაა, მისი თანამემამულე დოს სანტოსი კი 23-ის გახლავთ.
აქვე ჩამოვთვლით ყველას, ვინც 20 ქულის დაგროვება მაინც შეძლო: ხესუს ნავასი (სევილია) - 37 ქულა; იაგო ასპასი (სელტა) - 34; რუბენ კასტრო (ბეტისი) და პატრიკ ებერტი (ვალიადოლიდი) - 29; სერხიო გარსია (ესპანიოლი) - 27; რადამელ ფალკაო (ატლეტიკო) - 26; დიეგო კოშტა (ატლეტიკო) - 25; არიც ადურისი (ბილბაო) და პიტი (რაიო ვალეკანო) - 21; გორკა ირაისოსი (ბილბაო).
მესი VS რონი
15:12. ზედიზედ სამი ტურია, რაც სუპერდუელი ვერ შედგა.
იცით თუ არა, რომ...
* ზედიზედ 4 ტურია, მარცხდება "ლევანტე". მოგებათა 4-მატჩიანი სერია აქვს "რეალს".
* ბილბაოში თავის გამოჩენის შემდეგ ლეო მესი გახდა "ბარსას" ისტორიაში მეორე ბომბარდირი (ოფიციალური და ამხანაგური მატჩები). მას 333 გოლი აქვს. მეტი მხოლოდ პაულინიო ალკანტარას ანგარიშზეა - 369.
* მესის გოლი "ბარსასთვის" სეზონში მე-100 იყო. მესიმ გასვლაზე 24-ე გოლი გაიტანა და კრიშტიანო რონალდოს შარშანდელი შედეგი (23 საგარეო გოლი) გააუმჯობესა.
ტურის საუკეთესო გოლი
ლიონელ მესი (ბარსელონა) "ბილბაოს" კარში
ტურის საუკეთესო პასი
იმანოლ აგირეჩე (რეალ სოსიედადი) საგოლე პასი გონსალო კასტროს.
ტურის სტატისტიკა
31 გოლი ტურში (3,1 მატჩში). 3 თამაში მოიგეს მასპინძლებმა, 4 ფრედ დასრულდა და 3 სტუმრებმა მოიგეს. მსაჯებმა 57 ყვითელი ბარათი დაარიგეს, წითელი ბარათი არ ყოფილა.
ჰეთ თრიკი: არავინ
დუბლი: იმანოლ აგირეჩე (რეალ სოსიედადი).
ხოსე ბარკერომ (ლევანტე) ვერ გამოიყენა პენალტი "სელტასთან" მატჩში.
ტურის ყველაზე ახალგაზრდა ფეხბურთელი: ალვარო ვადილიო (ბეტისი, 18 წლის).
ყველაზე მეტი მაყურებელი: 53 000 - "ვისენტე კალდერონი"
ყველაზე ნაკლები მაყურებელი: 8 200 - "ტერესა რივერო"
ყველაზე მეტი დარტყმა კარისკენ: 20 - ბეტისი
ყველაზე მეტი დარტყმა კარში: 7 - მალაგა, სევილია, ვალენსია
ყველაზე მეტი ჯარიმა: 27 - მალიორკა
ყველაზე მეტი კუთხური: 10 - ლევანტე
ყველაზე მეტი თამაშგარე: 6 - ატლეტიკო, მალიორკა
ყველაზე მეტი ბურთის ფლობა: 72% - რაიო ვალეკანო
ტურის სიმბოლური ნაკრები
ლელოს ვერსიით. 3-4-3
33-ე ტურის ნაკრებში სამი ახალწვეულია: თუ ნოლიტოს და აუგუსტო ფერნანდესის რჩეულთა შორის მხოლოდ ახლა მოხვედრა გასაკვირი არ არის, ანდერ ერერას დებიუტანტობა საკვირველია - ბასკი გასული სეზონის ერთ-ერთი საუკეთესო ფეხბურთელი იყო, თუმცა ახლა "ბილბაოსაც" უჭირს და ანდერსაც. ლეო მესი 22-ედ მოხვდა შემადგენლობაში!!!
მე-12 ფეხბურთელი: რობერტო სოლდადო (ვალენსია)
ტურის გმირი
იმანოლ აგირეჩე (რეალ სოსიედადი)
26 წლის იმანოლ აგირეჩემ გადამწყვეტი როლი ითამაშა "ვალენსიას" დამარცხებაში. მის ანგარიშზე სუპერსაგოლე პასი და დუბლია. გადაჭარბებული არ იქნება, თუ ვიტყვით, რომ ეს იმანოლის კარიერის საუკეთესო მატჩი იყო."რეალ სოსიედადის" შემტევის ანგარიშზე უკვე 11 გოლია ლა ლიგის ამ სეზონში.
ბომბარდირები
44 - ლიონელ მესი (ბარსელონა)
31- კრიშტიანო რონალდო (რეალი)
26 - რადამელ ფალკაო (ატლეტიკო)
ასისტენტები
14 - ანდრეს ინიესტა (ბარსელონა)
12 - ლიონელ მესი (ბარსელონა)
10 - სესკ ფაბრეგასი (ბარსელონა)
გოლი+პასი
56 - ლიონელ მესი (ბარსელონა)
39 - კრიშტიანო რონალდო (რეალი)
27 - რადამელ ფალკაო (ატლეტიკო)
მომდევნო ტური
3 მაისი:
სელტა-ბილბაო.
4 მაისი:
ვალენსია-ოსასუნა, გრანადა-მალაგა, რეალი-ვალიადოლიდი, დეპორტივო-ატლეტიკო.
5 მაისი:
მალიორკა-ლევანტე, სარაგოსა-რაიო ვალეკანო, სევილია-ესპანიოლი, ბარსელონა-ბეტისი.
6 მაისი:
ხეტაფე-რეალ სოსიედადი.
ყოველდღიური სპორტული გაზეთი "ლელო"
ასევე იხილეთ:
ლა ლიგა. XXXIII ტური: ლეო მესის გოლმა-შედევრმა "ბარსა" ვერ გააჩემპიონა [VIDEO]
