როგორც ჩანს, ლეო მესის შესაძლებლობები ამოუწურავია. ის მშვიდად ამყარებს რეკორდს რეკორდზე, თითქოს ეს ძალიან იოლი გასაკეთებელია. "ბარსელონამ" უკანასკნელი 50-წლეულის განმავლობაში პირველად მოიგო ასეთი დიდი ანგარიშით, (8:0 "ალმერიას" წინააღმდეგ), მესი კი ანდალუსიაში ჰეთ-თრიკს არ დასჯერდა და ორი საგოლე პასიც დაამატა. 23 წლის ფენომენმა "ვერაფრით" მიაღწია ლიმიტს, იმ ზეზღვარს, რომლის იქითაც "ზრდას" შეწყვეტს. ტურს ტური მოსდევს, სეზონს სეზონი, მესი კლავ წინ მიდის.
ჰეთ-თრიკი "ალმერიას" წინააღმდეგ ლეოს კარიერაში მეშვიდეა. სწორედ შვიდი თამაშია, რაც პატარა არგენტინელი თამაშს უგოლოდ არ ტოვებს, ეს კი მისი ახალი
ზემოთ მე-7 ჰეთ-თრიკი ვახსენეთ და უპრიანია გავიხსენოთ, რომ პირველი მან "რეალს" შეუსრულა... 19 წლის ასაკში! კარს მომდგარი "ელ კლასიკოს" წინ ნიშანდობლივი დამთხვევაა. ლეომ კარიერაში 30-ედ გაიტანა ორი ან მეტი გოლი.
სხვათა შორის, ლეოს მეორე გოლი "ალმერიას" კარში მეასეა მისთვის ლა ლიგაში. ანუ ახლა არგენტინელ ფორვარდს ესპანეთის ჩემპიონატში 101 გოლი აქვს გატანილი.
"პულგა" ევროპულ საკლუბო სარბიელზეც ამყარებს რეკორდებს - მისი ბოლო გოლი ჩემპიონთა ლიგაზე "კოპენჰაგენის" კარში 32-ე იყო ბრწყინვალე არგენტინელის კარიერაში. ახლა მესის ერთით მეტი გოლი აქვს გატანილი ევროთასებზე, ვიდრე აქამდელ რეკორდსმენ რივალდოს.
