"ბარსელონას" ნახევარმცველმა ანდრეს ინიესტამ კლუბთან ახალი კონტრაქტი გააფორმა. ამის შესახებ ინფორმაციას ესპანური კლუბის ოფიციალური ვებგვერდი აქვეყნებს.ახალი ხელშეკრულება კლუბთან 2018 წლის 30 ივნისამდეა გათვალისწინებული, ამის შემდეგ კი კონტრაქტი ავტომატურად ერთი წლით გახანგრძლივდება, თუ ინიესტა სეზონის განმავლობაში გარკვეული რაოდენობის მატჩებს ითამაშებს.
29 წლის ესპანელი ფეხბურთელი კლუბის აღზრდილია და "ბარსელონას" მთავარ გუნდში 2002 წლიდან გამოდის.
მიმდინარე სეზონში ინიესტამ "ბარსელონას" მაისურით 25 მატჩი ჩაატარა, სადაც ერთი გოლი გაიტანა.
