უკვე ყველამ იცის, თუ როგორ აფასებს ზინედინ ზიდანი ბელგიელ ტალანტ ედენ ჰაზარდს. ზიზუ უბრალოდ შეყვარებულია "ლილის" 19 წლის შემტევი ნახევარმცველის ფეხბურთზე. ახლა კი ფრანგი, რომელიც ოფიციალურად გახდა "რეალში" ფლორენტინო პერესის მრჩეველი, განიხილავს ბელგიელი თინეიჯერის შესაძლო შეძენის ვარიანტებს.
ფრანგული ლიგა 1-ის წლის საუკეთესო ახალგაზრდა ფეხბურთელი დიდწილად განაპირობებს კიდეც "ლილის" წარმატებას. ჰაზარდმა სეზონი უფრო ცუდად დაიწყო, ვიდრე შარშან, მაგრამ ახლა ჩვეულ სტილში ათამაშდა და ევროპის დიდი კლუბებიც ისევ დაინტერესდნენ მისი შეძენით. "ის, რასაც ედენი თავისი კლუბისთვის აკეთებს არაჩვეულებრივია. მის შესახებ უკვე ველაპარაკე
ჰაზარდს, რომელსაც სულ უფრო ხშირად ადარებენ ლეო მესის, ურჩიეს, რომ ეს სეზონი მაინც "ლილში" ჩაამთავროს, თუმცა თავად ფეხბურთელის სურვილია, რომ რომელიმე გრანდში გადავიდეს. ასაკის მიუხედავად, ჰაზარდმა უკვე 17-ჯერ მოირგო ეროვნული ნაკრების მაისურა. ჰაზარდი 2005 წლიდან ირიცხება "ლილში", 2007-ში კი მთავარ გუნდში დებიუტი ჰქონდა.
