მოახლოვდა ზამთრის სატრანსფერო სეზონი და სპორტულ მედიაშიც დიდი ადგილი მომავალ სპეკულაციებს ეთმობა. სხვადასხვა წყაროები ხშირად ურთიერთგამომრიცხავ სიახლეებს გვაწვდიან, ამ სიახლეთა დიდი ნაწილი უბრალოდ ჭორია, მაგრამ მათ გვერდს ვერ ავუვლით, რადგან ნაწილი ინფორმაციისა საბოლოოდ მართლდება ხოლმე. მოკლედ, ჩვენ შევეცდებით ყოველდღიურად მოგაწოდოთ სიახლეები, ჭორ-მართალის გარჩევა კი თქვენთვის მოგვინდია.
დავიწყოთ "ვილიარეალით". "ელ სუბმარინოში" გადასვლას პორტუგალიური "ა ბოლა" "ბენფიკას" შემტევ ოსკარ კარდოსოს უწინასწარმეტყველებს. საკვირველია, რად უნდა "ვილიარეალს" ახალი შემტევი, როცა ჯუზეპე როსის და ნილმარის დუეტი პრიმერაში ერთ-ერთი საუკეთესოა. "ა ბოლას" სწორედ როსის იტალიაში შესაძლო
ესპანეთიდან წასვლის ორი კანდიდატი მოიძია "დეილი მირორმა" ბარსელონურ "ესპანიოლში". ბრიტანული გამოცემა მიიჩნევს, რომ "მანჩესტერ სიტიმ" თვალი ვიქტორ რუისსა და პაბლო ოსვალდოს დაადგა. ამბობენ, 21 წლის რუისი ძალიან მოსწონს რობერტო მანჩინის და მიაჩნია, რომ მისი წყალობით გუნდი დაცვის ცენტრში პრობლემას აღმოფხვრის. რუისისთვის ბრძოლაში "სიტის" კონკურენტი ლონდონური "ტოტენჰემი" ყოფილა. არგენტინელ-იტალიელი ოსვალდო ფორვარდია. მან 12 მატჩში 6 გოლი გაიტანა. ოსვალდოს ყიდვა "იუვენტუსს", "ბლექბერნს" და "რივერ პლეიტს" სურთ. "ესპანიოლის" დირექტორი რამონ პლანესი ამბობს, რომ ამ ფეხბურთელების მიმართ სხვა გუნდების ინტერესზე ბევრი სმენია, თუმცა კლუბისთვის ოფიციალურად ჯერ არავის მიუმართავს.
საფრანგეთის ჩემპიონატის ლიდერი "ლილის" ადილ რამი თავს "ვალენსიაში" ამოჰყოფს, ოღონდ ახლა კი არა - ზაფხულში, ირწმუნება "ფრანს ფუტბოლი". 24 წლის რამი კონტრაქტს "ლოს ჩესთან" იანვარში გააფორმებს, თუმცა სეზონს საფრანგეთში ჩაამთავრებს. რამის შეძენა ლამის ყველა მოწინავე საფეხბურთო ქვეყანაში სურთ, იტალიაში, გერმანიაში და ინგლისში, თუმცა, როგორც ჩანს, ესპანური პრიმერა იმარჯვებს. მცველი დაახლოებით 6 მილიონი ევრო ღირს.
დანარჩენს კი ქვემოთ ცხრილიდან შეიტყობთ.
კლუბი მივიდნენ წავიდნენ ინტერესი
ატლეტიკო ელიასი (კორინთიანსი) სიმაო (ბეშიქთაში) ხუანფრანი (ოსასუნა) მირანდა (სან პაულუ)
ბარსელონა აფელაი (პსვ) - -
ხეტაფე - - ფიდელი (უელვა)
მალაგა მარესკა ხოსე ანხელი (სპორტინგი), სერხიო ასენხო (ატლეტიკო) კამაჩო (ატლეტიკო) ბაპტიშტა (რომა)
მალიორკა იენაგა (ოსაკა) - -
რეალი - - ჯეკო (ვერდერი) ადებაიორი (სიტი) ლუკაკუ (ანდერლეხტი)
სოსიედადი დემიდოვი (როსენბორგი) - -
სევილია - - გაგო (რეალი)
ვალენსია - მანუელ ფერნანდეში (ბეშიქთაში) რამი (ლილი)
სარაგოსა - - დიეგო კოშტა (ატლეტიკო) ვალერა (ატლეტიკო)
