გუშინ "ატლეტიკომ" ახალი ფეხბურთელი წარადგინა - ხუანფრანმა მადრიდული კლუბის ფორმა მოირგო. "ოსასუნას" აწ უკვე ყოფილმა ნახევარმცველმა "ვისენტე კალდერონზე" პირველი პრესკონფერენცია მოაწყო. 26 წლის ფეხბურთელმა თქვა: "კლუბის მიმართ დიდი პატივისცემით ვარ განწყობილი, მათ ძალიან დიდი დაინტერესება გამოავლინეს ჩემს შესაძენად. ჩემი აწყმო და მომავალი "ატლეტიკოა". ჩემი პირველი ამოცანა თასიდან "რეალის" გამოგდებაა, ძალიან ვიამაყებ, როცა ამ მაისურას მოვირგებ", - განაცხადა ხუანფრანმა. შეგახსენებთ, რომ პრესკონფერენცია "რეალთან" პირველი მეოთხედფინალური მატჩის წინ გაიმართა. ბევრს საუბრობენ, რომ ხუანფრანმა გუნდში "ბეშიქთაშში" წასული სიმაო საბროსა უნდა შეცვალოს. აი, რა
ხუანფრანმა "ატლეტიკოსთან" 2015 წლის ზაფხულამდე გააფორმა ხელშეკრულება, "ოსასუნა" მის სანაცვლოდ 4 მილიონ ევროს მიიღებს. ხუან ფრანსისკო ტორესი ვალენსიის მხარიდანაა წარმოშობით. ის "რეალის" საფეხბურთო სკოლის აღზრდილია. 2004 წლიდან მან 6-ჯერ მოირგო "სამეფო კლუბის" ფორმა, უთამაშია "ესპანიოლშიც", "ოსასუნას" შემადგენლობაში კი 2006 წლიდანაა (148 თამაში, 11 გოლი). ხუანფრანს ესპანეთის ყველა ასაკობრივ გუნდში უთამაშია, გარდა ეროვნული ნაკრებისა.
.
