მადრიდის "რეალის" მთავარმა მწვრთნელმა ჟოზე მოურინიომ ესპანეთის პრიმერადივიზიონში "ალმერიასთან" ფრედ 1:1 დასრულებული მატჩი შეაფასა."დღეს ორი ქულა დავკარგეთ, მაგრამ სეზონის მთელი მეორე ნახევარი წინაა. პირველ ტაიმში ჩვეულ რიტმში თამაში ვერ შევძელით. "ალმერია" დაცვაში ძალიან კარგად თამაშობდა. ამასთან მასპინძლები ძალიან ორგანიზებულად ირჯებოდნენ და თავისი პოტენციალი გამოავლინეს. მეტოქის წინაშე ქუდს ვიხდი. "ალმერიამ" ძალიან მნიშვნელოვანი ქულა მოიპოვა.
არ ვაპირებ მსაჯობაზე ჩივილს. მათზე საუბარს დადებით ტონალობაში ვამჯობინებ, როგორც ეს გასულ ხუთშაბათს "ატლეტიკოსთან" მატჩის შემდეგ იყო, მიუხედავად იმისა, რომ მაშინ გოლი თამაშგარედან გავიდა. თუ კარგის
ვფიქრობ, აქამდე კარგად ვთამაშობდით. 15 მატჩი მოვიგეთ, ერთი წავაგეთ და ორი ფრე ვითამაშეთ, მაგრამ ეს ჩემპიონობისთვის საკმარისი არ არის. იმედი გვაქვს ჩემპიონატის მეორე ნახევარში თამაშს გავაუმჯობესებთ", - განაცხადა მოურინიომ.
მომზადებულია realmadrid.com-ის მიხედვით
.
