მას მერე, რაც მსოფლიოს ჩემპიონატზე შესანიშნავად იასპარეზა, დღე არ გავა, რომ „შტუტგარტისა“ და გერმანიის ნაკრების 23 წლის საყრდენი ნახევარმცველის, სამი ხედირას შესახებ ახალი ინფორმაცია არ გავრცელდეს. უახლესი ჭორი ესპანეთიდან გავრცელდა და ცხადია, გერმანიასაც მოედო. ჩვენი ესპანელი კოლეგები წერდნენ, შტუტგარტელი მადრიდის „რეალში“ კი არა, მიუნხენის „ბაიერნში“ გადადისო. კერძოდ: მას მიუნხენურ გრანდთან უკვე წინასწარი კონტრაქტი გაუფორმებია, რომლის თანახმადაც, „ბაიერნს“ ერთი წლის შემდეგ უფასოდ უნდა მიაშუროს. საქმე იმაშია, რომ ხედირას „შტუტგარტთან“ კონტრაქტი სწორედ გაისად, 2011 წლის ზაფხულში უმთავრდება.
„კიკერის“ ინფორმაციით, „ბაიერნის“ ხელმძღვანელები ხედირას
მას მერე, რაც ესპანურმა მედიამ ზემ
ოთ ხსენებული ცნობა გაავრცელა, ჩვენმა გერმანელმა კოლეგებმა სამივე მხარეს (შტუტგარტი, ხედირა, ბაიერნი) სთხოვეს კომენტარი, მაგრამ ამომწურავი ინფორმაცია ვერცერთისგან მიიღეს. „ბაიერნის“ მენეჯერმა კრისტიან ნერლინგერმა თქვა, რომ ამ საკითხთან დაკავშირებით კომენტარის გაკეთება ძალზე ნაადრევია. ნერლინგერი ამბობს, 2011/2012 წლების სეზონზე ჯერ არ ვფიქრობ, ახლა ჩვენთან მთავარი თემა მომავალი სეზონიაო. ხედირამ კი „კიკერს“ უთხრა, რომ არავისთან შეთანხმებულა, არც „რეალთან“ და არც „ბაიერნთან“.
ცნობილია, რომ ამ კვირის დასაწყისში „რეალმა“ „შტუტგარტს“ ოფიციალურად შესთავაზა 12 მილიონი ევრო და ეს ცნობა ორივე მხარემ დაადასტურა. მაგრამ შვაბები ჯერ ხედირას ელოდებიან, რომელიც შვებულებიდან უნდა დაბრუნდეს. „შტუტგარტის“ სპორტული დირექტორი იოხენ შნაიდერი ამბობს, ჯერ უნდა გავიგოთ, თვითონ სამის რა უნდაო. ამასობაში, შნაიდერმა ისიც დაადასტურა, რომ „შტუტგარტი“ „აუგსბურგთან“ და „ლივერპულთან“ აწარმოებს მოლაპარაკებებს. შვაბებს „აუგსბურგიდან“ 22 წლის იბრაჰიმა ტრაორეს გადაბირებს სურთ, „ლივერპულიდან“ კი შვეიცარელი მარჯვენა მცველის, 27 წლის ფილიპ დეგენისა.
