"ახლა უკვე ძალიან კარგად ვარ და არაფერი მაწუხებს, გავალ თუ არა მოედანზე, ეს, რა თქმა უნდა, შააფის გადასაწყვეტია. მე მხოლოდ იმის თქმა მინდა, რომ დარწმუნებული ვარ, შაბათს თამაშისთვის სრულ
ფრინგსთან ერთად, შააფს ლაზარეთიდან ბრაზილიელი მცველი ნალდოც დაუბრუნდა და ნახევარმცველი დანიელ იენსენიც. ამ უკანასკნელის საქმე გაცილებით უკეთაა: დანიის ნაკრების ნახევარმცველი დღეიდან სრული დატვირთვით ვარჯიშობს.
სამაგიეროდ, ნამდვილად ცუდადაა შვედი ფორვარდის, მარკუს როზენბერგის საქმე. ფაქტობრივად გადაწყვეტილია, რომ მას "ვერდერის" დატოვება მოუწევს. მართალია, როზენბერგმა "ფრაიბურგთან" ტესტმატჩში დუბლი შეასრულა, მაგრამ მიუხედავად ამისა, მაინც გამორიცხულია, რომ შააფმა ის კლუბში დატოვოს. როზენბერგს გასულ სეზონში კიდევ ერთხელ მიეცა იმის შანსი, რომ შააფისთვის თავისი შესაძლებლობები დაემტკიცებინა და რაკი ეს ვერ შეძლო (მხოლოდ 1 გოლი მთელ სეზონში), "მუსიკოსების" დამრიგებელმა მასზე ახლა უკვე საბოლოოდ ჩაიქნია ხელი. ამრიგად, როზენბერგი გაყიდვის ნომერ პირველი კანდიდატია. თანაც, ბრემენული კლუბის წინა ხაზში ხომ უდიდესი კონკურენციაა - მას მერე, რაც გუნდმა ახალგაზრდა ავსტრიელი თავდამსხმელი მარკო არნაუტოვიჩი იყიდა, შააფს სამი მაღალი კლასის ფორვარდი ჰყავს: არნაუტოვიჩი, კლაუდიო პისარო და უგო ალმეიდა.
"გამორიცხული არ არის, რომ მარკუსი ჩვენთან დარჩეს, მაგრამ ეს ალბათ არ მოხდება. ჩვენ მისი დარჩენის საწინააღმდეგო არაფერი გვაქვს, მაგრამ როზენბერგს უნდა, რომ უფრო ხშირად ითამაშოს, ჩვენ კი ამის გარანტიას ვერ ვაძლევთ. ასე რომ, საინტერესო წინადადების შემთხვევაში მარკუსს გავყიდით", - ეს "ვერდერის" ბოსის, კლაუს ალოფსის სიტყვებია. ცნობილია, რომ როზენბერგის გადაბირება ფრანგულ კლუბებს, პსჟ-სა და "მონაკოს" უნდათ.
