"მომავალ სეზონში ჰოლგერ ბადშტუბერი დაცვის ცენტრში ითამაშებს და ამას წყალი აღარ გაუვა. ჰოლგერმა გასულ სეზონში უმეტესად მარცხნივ იმის გამო იასპარეზა, რომ დაცვის მარცხენა ფრთაზე კარგი ალტერნატივა არ არსებობდა. ახლა კი, ლუის ვან გაალიც
სხვათა შორის, წინა სეზონის დასაწყისში, "ბაიერნის" დაცვის ცენტრში ვან ბუიტენი და ბადშტუბერი თამაშობდნენ. დემიკელისი მაშინ ტრავმირებული იყო და ბადშტუბერმა მარცხნივ მაშინ გადაინაცვლა, როცა ვან გაალს მარცხენა მცველის პოზიციაზე პრობლემები შეექმნა (ბრააფჰაიდმა და პრანიჩმა იმედები ვერ გაამართლეს, კონტენტო და ალაბა კი ძალიან გამოუცდელები იყვნენ). ამრიგად, სეზონის მეორე ნახევარში, დაცვის ცენტრს დემიკელისი და ვან ბუიტენი შეადგენდნენ, მაგრამ ვან გაალი არასდროს უარყოფდა, რომ 29 წლის არგენტინელის თამაშით მაინცდამაინც კმაყოფილი არ იყო. დემიკელისი ხშირად უშვებდა შეცდომებს და უმეტესად არაკონცენტრირებული გახლდათ. რეკორდმაისტერის თავკაცი არც ვან ბუიტენითაა აღფრთოვანებული. ბელგიელმა განსაკუთრებით ცუდად ჩემპიონთა ლიგის ფინალში ითამაშა, როცა ვან ბუიტენი "ინტერის" ფორვარდ დიეგო მილიტოს შემოეჩაგრა.
