"ვოლფსბურგთან" მატჩის წინ, ძირითად შემადგენლობაში ვერმოხვედრის გამო გამოთქმული პროტესტის შემდეგ, "ზებენერშტრასეზე" ვისაც არ დაეზარა, ყველამ დემიკელისი გააკრიტიკა. არგენტინელის წინააღმდეგ ხმა თვით ბეკენბაუერმაც აიმაღლა, რომელიც ახლა რეკორდმაისტერის საპატიო პრეზიდენტია.
"დემიკელისმა გასულ სეზონშიც ძალიან ბევრი შეცდომა დაუშვა და არც მანამდე
დემიკელისი აღარც ვან გაალს სჭირდება. ლუისმა ამ დღეებში არაერთხელ აღნიშნა, რომ არგენტინელის წასვლის შემთხვევაში წუწუნს არ დაიწყებს. თვითონ დემიკელისიც კი ამბობს, რომ "ბაიერნიდან" მისი აბარგება გადაწყვეტილი ამბავია და ამ დღეებში ტრანსფერი განხორციელდება.
არენდით იუვეში?
ჯერჯერობით უცნობია, სად გააგრძელებს კარიერას 29 წლის არგენტინელი უკანახაზელი. ფაქტია, რომ მისი გადაბირება, "ატლეტიკოსთან" ერთად, ტურინის "იუვენტუსსაც" უნდა. "გაძეტა დელო სპორტის" ინფორმაციით, "ბებერი ქალბატონის" ხელმძღვანელებმა მიუნხენელ კოლეგებთან მოლაპარაკებები უკვე დაიწყეს. ოღონდ, "იუვეს" არგენტინელი არენდით უნდა. ჩვენი იტალიელი კოლეგები წერენ, რომ "იუვენტუსის" სპორტული დირექტორი ჯუზეპე მაროტა შეხვდა და ესაუბრა დემიკელისის აგენტს. მარტინის აყვანა ტურინელთა დამრიგებლის, ლუიჯი დელ ნერის სურვილი ყოფილა. არგენტინელის აგენტი "იუვესთან" მოლაპარაკებებს აწარმოებს, მაგრამ იმასაც ამბობს, რომ სხვა კლუბებთანაც აქვს ურთიერთობა. მისივე თქმით, დემიკელისით "ბარსელონა", "ჩელსი" და "სევილიაც" არიან დაინტერესებულები.
