შარპეი, რომელმაც "შალკეს" უკანა ხაზი უნდა გააძლიეროს, მაგათის მეცხრე ახალწვეულია და როგორც ხედავთ, წინასწარმეტყველება ახდა:
ამ ყველაფერთან ერთად, ფელიქს მაგათი "შალკეში" მადრიდის "რეალში" ჩამოწერილი ფეხბურთელების შეგროვებას იწყებს. როგორც იცით, "დესპოტმა ფელიქსმა" "სამეფო გუნდიდან" მცველი კრისტოფ მეტცელდერი და გოლეადორი რაული წაიყვანა, ახლა კი ჰოლანდიელ ნახევარმცველს, 27 წლის რაფაელ ვან დერ ვაარტსაც უმიზნებს. "ბილდის" ინფორმაციით, მაგათი უკვე შეეხმიანა "რეალის" ხელმძღვანელებს და მათ ვან დერ ვაარტზე ჩამოუგდო სიტყვა. ჰოლანდიელს მადრიდულ გრანდთან კონტრაქტი 2013 წლამდე აკავშირებს, მაგრამ ჟოზე მოურინიოს ის არ სჭირდება და "რეალიც" მზადაა, რაფაელი გაყიდოს. ჩვენი გერმანელი კოლეგების ცნობით, "შალკეს" ვან დერ ვაარტი 10 მილიონი ევრო დაუჯდება.
"შალკე" ძალიან კარგი გუნდია, რაულისგან და მეტცელდერისგან ამ გუნდის შესახებ ბევრი კარგი რამ მსმენია. ბოლოს და ბოლოს, ბუნდესლიგაში ვთამაშობდი (ჰამბურგის ღირსებას იცავდა) და თვითონაც ვიცი, რას წარმოადგენს გელზენკირხენული კლუბი," - უთხრა ვან დერ ვაარტმა "ბილდს".
მაგათი ვან დერ ვაარტს მხოლოდ იმ შემთხვევაში არ იყიდის, თუ "ვოლფსბურგიდან" ზვიეზდან მიშიმოვიჩის გადაბირებას შეძლებს. მაგრამ ამ უკანასკნელისთვის ბრძოლაში "შალკეს" "გალათასარაის" სახით ძალიან სერიოზული კონკურენტი ჰყავს. ასეა თუ ისე, ერთი რამ ფაქტია: 31 აგვისტომდე "შალკეში" კიდევ რაღაც მოხდება.
