"დღეისათვის, გერმანიის ნაკრების საყრდენ ნახევარდაცვაში ბასტიან შვაინშტაიგერსა და სამი ხედირას ადგილები გარანტირებული აქვთ, მაგრამ
ლიოვი: "ბალაკთან ძალიან გულახდილი და სასარგებლო საუბარი მქონდა. მე მას ვუთხარი, რომ დღევანდელი მდგომარეობით გერმანიის ეროვნულ გუნდში თამაშს არ იმსახურებს და როცა დაიმსახურებს, აუცილებლად გამოვიძახებ და კაპიტნის სამკლავურსაც გავუკეთებ. ავუხსენი, რომ მსოფლიოს ჩემპიონატის შემდეგ ბევრი რამ შეიცვალა და ახალ სიტუაციას ახლებურად უნდა მივუდგეთ."
ეს ყველაფერი კი იმას ნიშნავს, რომ ლიოვმა ბალაკი შვაინშტაიგერთან და ხედირასთან კონკურენციაში ჩააბა. იოგი: "ბალაკი სამი თვის მანძილზე ტრავმირებული იყო, სეზონის წინ მოსამზადებელი პერიოდი სრულად არ გაიარა და ბევრი რომ არ გავაგრძელო, მან თვითონაც იცის, რომ არაა საუკეთესო ფორმაში. სამაგიეროდ, ძალიან მონდომებულია და მეც მინდა, რომ რაც შეიძლება სწრაფად ვიხილო ძველებური მიხაელ ბალაკი."
ბელგიასთან და აზერბაიჯანთან მატჩებისთვის მიხაელი გამოძახებული არ არის, რაც იმას ნიშნავს, რომ ამ შეხვედრებში ბუნდესნაკრებს ლამი უკაპიტნებს. ცხადია ისიც, რომ ასპროცენტიანი კაპიტანი არც ბალაკია და არც ლამი. ვნახოთ, რას მოუტანს ეს ყველაფერი გერმანიის ნაკრებს...
