ვაიდენფელერის გულახდილობამ სრულიად გერმანიის სუსტი სქესის წარმომადგენელთა თავისუფალი, მარტოხელათა ნაწილი ააფორიაქა – რომანს არც გარეგნობა დაეწუნება, არც ფინანსური მდგომარეობა, თან მთელი ქვეყნის მასშტაბით დამსახურებული და პოპულარული კაცია...
მერე კი გაირკვა, რომ "ბორუსიას" რიგებში მარტოხელა მხოლოდ ვაიდენფელერი როდია. კიდევ სამია ასეთი...
21 წლის შინჯი კაგავა დორტმუნდში იაპონიიდან აგვისტოში
თუმცა, იაპონელ ნახევარმცველს ჯერჯერობით არ სცალია "არასაფეხბურთო" კავშირების დასამყარებლად: "ამ ეტაპზე მხოლოდ ფეხბურთზე ვარ კონცენტრირებული. თავისი უნარების განვითარებას მხოლოდ ის ახერხებს, ვინც თავდაუზოგავად შრომობს".
ეს დევიზი დორტმუნდული კლუბის მეორე მეკარე მიტჩელ ლანგერაკსაც მოუხდება, ვისაც მშობლიური მელბურნისგან და, შესაბამისად, ოჯახისგან 16 355 კილომეტრი აშორებს. თუმცა მარტოობა მას ჯერჯერობით არ აწუხებს.
"აქ გულღია, კეთილი ხალხი ცხოვრობს. მე ეს მომწონს", - თქვა 22 წლის ავსტრალიელმა. უნდა ითქვას, რომ ლანგერაკი დორტმუნდელი გოგონების საოცნებო მამაკაცად მიიჩნევა...
სერბი მცველი ნევენ სუბოტიჩი "ბორუსიას" ორი წლის წინათ შეუერთდა და იმხანად მისი გული ჭოკითმხტომელ ლიზა რიჟიხს ეკუთვნოდა, გერმანიაში გადასახლებულ რუს გოგონას. მათი ურთიერთგატაცება ხანმოკლე აღმოჩნდა, თუმცა სუბოტიჩი ამბობს, მე და ლიზა მეგობრებად დავრჩითო. "როცა ლიზამ ბარსელონაში ევროპის ჩემპიონატზე ბრინჯაოს მედალი მოიპოვა, მე პირველი ვიყავი, ვინც სმს-ით მიულოცა", - იხსენებს 21 წლის მცველი.
ასეა – დორტმუნდის "ბორუსიის" მხოლოდ ოთხი ფეხბურთელია მარტოხელა და გერმანული ყვითელი პრესის ფლაგმანი Bild-ი მოუთმენლად ელის, თუ ვინ გამოაკლდება პირველი ამ უცოლოთა და უგელფრენდოთა კვარტეტს...
