"შალკე" კი აბსოლუტურად საპირისპირო მდგომარეობაშია: ფელიქს მაგათის ამბიციურმა გუნდმა ორივე თამაში წააგო, რაც იმას
დღეს "დესპოტი ფელიქსი" სავარაუდოდ ახალგაზრდა იაპონელ მარჯვენა მცველს, აცუტო უჩიდას ვერ გამოიყენებს - ეს უკანასკნელი ტრავმირებულია და საღამომდე გამოჯანმრთელება არ უწერია. თუმცა უჩიდას არყოფნა "შალკესთვის" სერიოზული დანაკლისი ნაღდად არ არის, რადგან იაპონელმა ფეხბურთელმა პირველ ორ თამაშში ძალიან ცუდი შთაბეჭდილება დატოვა და "კიკერისგან" საშინელი შეფასებები (ორივე მატჩში 5 ბალი) დაიმსახურა.
სამაგიეროდ, ჯეფერსონ ფარფანს ძირითად შემადგენლობაში თამაში ჰუნტელაარის ყიდვის შემდეგაც კი განაღდებული აქვს. მაგათი ამბობს, ფარფანს სასტარტოდან ამოვარდნის საფრთხე არ ემუქრებაო. "ბოლო წამს" ნაყიდ ახალწვეულთაგან კი ძირითად შემადგენლობაში სავარაუდოდ მხოლოდ ჰუნტელაარი ითამაშებს.
სავარაუდო შემადგენლობები
ჰოფენჰაიმი (4-3-3): შტარკე - ბეკი, შიმუნიჩი, ვორსა, კომპერი - ვაისი, ლუის გუსტავო, სალიჰოვიჩი - მლაპა, იბიშევიჩი, ბა.
შალკე (4-1-3-2): ნოიერი - ჰიოვედესი, მატიპი, მეტცელდერი, შარპეი - ჯონსი - კლუგე, რაკიტიჩი, ფარფანი - რაული, ჰუნტელაარი.
