გელზენკირხენის "შალკეს" ოფიციალური ვებ-გვერდი იუწყება, რომ გუნდის თავდამსხმელი რაულ გონსალეს ბლანკო სეზონის დასრულების შემდეგ კლუბს დატოვებს.გერმანული კლუბის ხელმძღვანელობამ ვერ შეძლო ესპანელ ფორვადთან შეთანხმების მიღწევა კონტრაქტის გახანგრძლივებაზე. მიზეზი კი თავდამსხმელის მომავალი ხელფასის საკითხი გახდა.
შეგახსენებთ, რომ რაული "შალკეში" 2010 წელს გადავიდა და ბუნდესლიგის 63 შეხვედრაში 27 გოლი გაიტანა. გუნდთან ერთად ესპანელმა გერმანიის თასი მოიგო და შარშან ჩემპიონთა ლიგაში ნახევარფინალამდე გავიდა.
