როგორც ჩანს, რაფაელ ვან დერ ვაარტი ლონდონის "ტოტენჰემიდან" "ჰამბურგში" დაბრუნდება. ლონდონური კლუბი ვან დერ ვაარტის გერმანელებისთვის 13 მილიონ ევროდ მიყიდვას დათანხმდა.
"შემიძლია დავადასტურო, რომ ვან დერ ვაარტი ჰამბურგში მიემგზავრება, სადაც სამედიცინო გამოკვლევას გაივლის", - განაცხადა ფეხბურთელის აგენტმა რობერტ გირლინგსმა.
ამას გარდა, რაფაელი შესაძლოა თავისი ახალ-ძველი გუნდის შემადგენლობაში მოედანზე 1 სექტემბერსვე, დორტმუნდის "ბორუსიას" წინააღმდეგ მატჩში გამოვიდეს.
მომზადებულია Bild-ის მიხედვით
