კატალონიის "ბარსელონას" ნახევარმცველი იბრაჰიმ აფელაი 2012/13 წლების სეზონს გელზენკირხენის "შალკეში" გაატარებს.ამის შესახებ ცნობა გერმანული კლუბის ოფიციალურმა ვებ-გვერდმა გაავრცელა.
ჰოლანდიელი ფეხბურთელი უკვე შეუერთდა გუნდს და სამედიცინო შემოწმებაც გაიარა.
"შალკეს" მთავარმა მწვრთნელმა ჰუბ სტივენსმა აღნიშნა, რომ აფელაი გუნდს შეტევაში გააძლიერებს.
"მოუთმენლად ველი, როდის დაიწყებს აფელაი ჩვენ გუნდში თამაშს. მას ერთბაშად რამდენიმე პოზიციაზე შეუძლია თამაში. აფელაისთან ერთად ჩვენი შემტევი ხაზი უფრო სახიფათო გახდება".
შეგახსენებთ, რომ ჰოლანდიელი ფეხბურთელის აგენტმა განაცხადა, რომ მისი კლიენტი ერთი წელი იჯარით სხვა გუნდში ითამაშებდა.
