მიუნხენის "ბაიერნის" მთავარმა მწვრთნელმა იუპ ჰაინკესმა გელზენკირხენის "შალკესთან" (2:0) გამარჯვებაზე ისაუბრა."ეს საკმაოდ დაძაბული შეხვედრა იყო ორივე მხრისთვის, განსაკუთრებით პირველ ტაიმში, როდესაც "შალკე" თანაბრად გვეთამაშებოდა.
მიუხედავად ამისა, მეორე ტაიმში კლასი გამოვაჩინეთ. ძალიან ორგანიზებულად გამოვიყურებოდით და გამარჯვება დავიმსახურეთ.
კარგია, რომ ახლა "დორტმუნდთან" ხუთქულიანი უპირატესობა გვაქვს. თუმცა, საჩემპიონო რბოლა 34-მატჩიან მარათონს წარმოადგენს. ახლა არცთუ ცუდ ფორმაში ვიმყოფებით და ყურადღება არ უნდა მოვადუნოთ", - განაცხადა ჰაინკესმა.
