„ბაიერნის“ მთავარი მწვრთნელი ლუის ვან გაალი ბუნდესლიგაში პარასკევის მატჩებს ვერ იტანს, რაზეც არაერთხელ უსაუბრია, მაგრამ მოსწონს, თუ არ მოსწონს, ეს ახლა მეორეხარისხოვანია, რადგან მიუნხენური კლუბი ისევ პარასკევს თამაშობს: რეკორდმაისტერი „ფრაიბურგს“ მასპინძლობს. სხვა დროს, „ბაიერნის“ გამარჯვებაში ეჭვი არავის შეეპარებოდა და შესაძლოა, უმეტესობა ახლაც ფიქრობს, რომ „ფრაიბურგი“ მიუნხენიდან კუდამოძუებული გაბრუნდება, მაგრამ ფაქტებით რომ ვილაპარაკოთ, 9 ტურის შემდეგ, „ფრაიბურგი“ სატურნირო ცხრილში „ბაიერნზე“ მაღლაა. რობინ დუტის მოკრძალებულ გუნდს, რომელიც გერმანიის თასიდან „კოტბუსმა“ გააგდო, ცხრა ტურის შემდეგ, რეკორდმაისტერზე 3 ქულით მეტი აქვს დაგროვებული, რაც უკვე
კვირასი ორჯერ თამაში ვის უნდა ხიბლავდეს, მაგრამ ვან გაალმა ისიც უნდა აღიაროს, რომ მას მერე, რაც მძიმე კვირები გადაიტანა, მისი გუნდი დაუმარცხებელია. უფრო ზუსტად: ოთხი კვირაა, „ბაიერნს“ თამაში არ წაუგია, სამშაბათს კი, გერმანიის თასიდან
„ვერდერი“ გააგდო. მოკლედ, ბავარიული გრანდი ნელ-ნელა შედის ფორმაში.
რაც შეეხება „ფრაიბურგს“: ბრაისგაუელები ბუნდესლიგაში თამაშებს ან იგებენ, ან აგებენ - ფრე ჯერ არ უთამაშიათ. თანაც, თუ იგებენ, მხოლოდ მცირე სხვაობით და თუ აგებენ, ასევე მხოლოდ მცირე სხვაობით. „ფრაიბურგმა“ ორბურთიანი სხვაობით გამარჯვება მხოლოდ ერთხელ, „ზანკტ პაულისთან“ დააფიქსირა.
კიდევ ერთი საინტერესო დეტალი: „ფრაიბურგის“ გოლეადორი პაპის დემბა სისე ჯანმრთელადაა და დღეს აუცილებლად ითამაშებს. ამ უკანასკნელს ბუნდესლიგაში უკვე 8 გოლი აქვს გატანილი - ზუსტად იმდენი, რამდენიც „ბაიერნს“ საერთო ჯამში. ცხადია, სისე ბომბარდირთა დავაში პირველ ადგილზეა.
სავარაუდო შემადგენლობები
ბაიერნი (4-2-3-1): ბუტი - ლამი, ტიმოშჩუკი (ან ვან ბუიტენი), ბადშტუბერი, პრანიჩი - ოტლი, შვაინშტაიგერი - ჰამით ალთინთოფი, კროოსი, თ. მიულერი - გომესი.
ფრაიბურგი (4-1-4-1): ბაუმანი - მუიჯა, ბართი, ტოპრაკი, ბასტიანსი - ი. შუსტერი - ნიკუ, მაკიადი, კალიგიური, აბდესადკი - სისე.
გოტფრიდ ლენცი
თ მ ფ წ ბ ქ
1. მაინცი 9 8 0 1 19-8 24
2. ბორუსია (დ) 9 7 1 1 21-7 22
3. ჰანოვერი 9 5 1 3 13-12 16
4. ჰოფენჰაიმი 9 4 3 2 17-13 15
5. ლევერკუზენი 9 4 3 2 18-15 15
6. ჰამბურგი 9 4 3 2 13-11 15
7. ფრაიბურგი 9 5 0 4 14-14 15
8. ვერდერი 9 4 2 3 17-18 14
9. აინტრახტი 9 4 1 4 14-9 13
10. ზტ. პაული 9 4 1 4 11-12 13
11. ბაიერნი 9 3 3 3 8-8 12
12. ნიურნბერგი 9 3 3 3 11-12 12
13. ვოლფსბურგი 9 3 1 5 15-16 10
14. შტუტგარტი 9 2 1 6 16-17 7
15. კაიზერსლაუტერნი 9 2 1 6 10-18 7
16. შალკე 9 1 3 5 10-16 6
17. ბორუსია (მ) 9 1 3 5 14-27 6
18. კიოლნი 9 1 2 6 9-17 5
