ჯერჯერობით მხოლოდ ის არის ცნობილი, რომ 26 წლის ნახევარმცველი, რომელსაც რეკორდმაისტერთან ხელშეკრულების ვადა 2012 წლის ზაფხულში უმთავრდება, ხელმძღვანელებთან მოლაპარაკებებს მომავალი წლის პირველ თვეებში დაიწყებს. როგორც იცით, შვაინი ევროპის თითქმის ყველა სუპერგრანდის თვალთახედვის არეშია მოქცეული, განსაკუთრებით კი „რეალი“ და „ჩელსი“ აქტიურობენ.
„ბაიერნის“ ქომაგებს ძალიან არ მოეწონებათ გერმანიის ნაკრების კაპიტნის, მიხაელ ბალაკის განცხადებები, რაც მან „კიკერისთვის“ მიცემულ ინტერვიუში
კითხვაზე, რას ურჩევდა შვაინშტაიგერს სამომავლოდ, ბალაკმა ასეთი პასუხი გასცა: „ვერავის ვერაფერს ვურჩევ, ყველაფერი თვითონ ბასტიანის გადასაწყვეტია. მან თვითონ უნდა იცოდეს, რა უნდა და დარწმუნებული ვარ, რომ იცის კიდეც. ჩემი აზრით, შვაინშტაიგერი ძალიან მოუხდებოდა „რეალს“ ან „მანჩესტერს“...
გაგახსენებთ, რომ „ბაიერნის“ ქომაგები ბალაკს დიდი ხანია მაგრად ემდურიან იმის გამო, რომ თავის დროზე მიუნხენური კლუბი უფასოდ დატოვა და „ჩელსიში“ გადავიდა. ახლა კი უფრო მეტად გაუნაწყენდებიან, რადგან ფაქტობრივად მაინც რჩევა გამოუვიდა, თანაც „ბაიერნისთვის“ ნეგატიური.
თვითონ ბალაკს (მაშინ 25 წლის იყო) 2002 წელს შეეძლო მადრიდში გადასვლა. მაშინ მიხაელი „ლევერკუზენის“ ღირსებას იცავდა და გრანდიოზული სეზონის შემდეგ მადრიდში ეპატიჟებოდნენ, თუმცა ბალაკმა ცდუნებას გაუძლო და მერე „ბაიერნს“ მიაშურა.
„რეალში“ გადასვლა მეც შემეძლო, მაგრამ მაშინ მივიჩნიე, რომ ამისათვის მზად არ ვიყავი. „ბაიერნში“ გადასვლა კი არასდროს მინანია. თუმცა, გერმანიის საზღვრებს გარეთ უმაღლეს დონეზე თამაში მაინც მოვახერხე და მოვასწარი - ლონდონის „ჩელსიში“, - აცხადებს ბალაკი.
რას იზამს შვაინშტაიგერი?..
ყოველდღიური სპორტული გაზეთი
"ლელო"
