ზუსტად ერთი წლის წინ, გერმანია და მთელი საფეხბურთო ევროპა შოკისმომგვრელმა ინფორმაციამ შეაძრწუნა: 2009 წლის 10 ნოემბერს გერმანიის ნაკრებისა და „ჰანოვერის“ მეკარე რობერტ ენკემ თავი მოიკლა. 32 წლის სპორტსმენი, რომელსაც 19 წლის ასაკიდან დეპრესიები ჰქონდა, საკუთარი სახლიდან რამდენიმე კილომეტრში, დიდი სიჩქარით მოძრავ მატარებელს ჩაუვარდა...
გუშინ ჰანოვერში და ენკეს მშობლიურ დაბა ემპედეში მწუხარების დღე იყო. ახლობლებმა, მეგობრებმა, ნათესავებმა, თანაგუნდელებმა და გულშემატკივრებმა რობერტის საფლავი ყვავილებითა და უამრავი სამადლობელი წერილით შეამკეს. რობერტის ქვრივმა, ტერეზა ენკემ კი სახელდახელო პრესკონფერენცია გამართა, რომელზეც განაცხადა: „დღეს რობის გარდაცვალების
ენკეს საფლავი ყვავილებით შეამკეს გერმანიის ნაკრების პრეზიდენტმა თეო ცვანციგერმა, გერმანიის ნაკრების მწვრთნელმა იოახიმ ლიოვმა და მენეჯერმა ოლივერ ბირჰოფმაც. „ამ საფლავთან მდგომი ვიხსენებ ბრწყინვალე ადამიანს, ნამდვილ პროფესიონალს, რომელმაც გული მაგრად დაგვწყვიტა. რთულია იმის დაჯერება, რომ რობერტი ცოცხალი აღარ არის,“ - აღნიშნა ლიოვმა.
„ეს იყო ტრაგედია, რომელიც ძალიან დიდხანს გაგვყვება,“ - ეს კი DFB-ს პრეზიდენტ თეო ცვანციგერის სიტყვებია.
