მიუნხენის „ბაიერნის“ ხელმძღვანელებს ეს ინფორმაცია ნამდვილად არ გაახარებდათ: გუშინ, დორტმუნდის „ბორუსიას“ მთავარმა მწვრთნელმა იურგენ კლოპმა ვესტფალიურ კლუბთან ახალი კონტრაქტი გააფორმა, რომელსაც ვადა 2014 წლამდე აქვს. რა შუაშია „ბაიერნი“? იურგენის ძველ ხელშეკრულებას ვადა 2012 წელს გასდიოდა და მიუნხენური კლუბის ბოსები სწორედ იმ დროისთვის ფიქრობდნენ კლოპის გადაბირებაზე, რაც ბოლო დროს საიდუმლოს არავისთვის აღარ წარმოადგენდა.
მიუხედავად ამისა, ეჭვი არავის ეპარებოდა იმაში, რომ 43 წლის სპეციალისტი „დორტმუნდთან“ ახალ კონტრაქტს გააფორმებდა. ჯერ კიდევ რამდენიმე თვის წინ, „ბორუსიას“ მენეჯერმა ჰანს-იოახიმ ვატცკემ თქვა, იურგენს უვადო ხელშეკრულება უნდა
„დორტმუნდის“ შეფებისთვის პრიორიტეტული მწვრთნელთან შეთანხმება იყო, ახლა კი იმ ფეხბურთელების კონტრაქტებსაც მიხედავენ, რომლებსაც ხელშეკრულებები ამ სეზონის ბოლოს უმთავრდებათ. ესენი არიან მეკარე რომან ვაიდენფელერი და მარჯვენა მცველი პატრიკ ოვომოიელა. ვატცკეს ახლავე ახალი კონტრაქტების გაფორმება სურს ნიჭიერ ფეხბურთელებთან, კევინ გროსკროიტცთან და მარსელ შმელცერთან.
