რეკორდმაისტერის მთავარი მწვრთნელი ლუის ვან გაალი ნოიერში ამდენი ფულის გადახდის აუცილებლობას ვერ ხედავს. ბავარიელების
მას მერე, რაც „ბაიერნს“ ვან გაალი წვრთნის, კრაფტმა ორ ოფიციალურ შეხვედრაში იასპარეზა - გერმანიის სუპერთასზე „შალკესთან“ (2:0) და ჩემპიონთა ლიგაში რომასთან (2:3). აღსანიშნავია, რომ ახალგაზრდა კიპერმა ორივეჯერ ძალიან კარგად ითამაშა და საყოველთაო ქება დაიმსახურა.
„ბაიერნის“ ხელმძღვანელებს კი ეჭვი ეპარებათ იმაში, რომ კრაფტი ღირსეული მეკარე იქნება, რადგან უკვე აქვთ ცუდი გამოცდილება: თუ გახსოვთ, ოლივერ კანის ფეხბურთიდან წასვლის შემდეგ, „ბაიერნის“ კარში მიხაელ რენზინგი ჩადგა, რომელსაც პირველნომრობისთვის ძალიან დიდხანს ამზადებდნენ, მაგრამ იმედები ვერ გაამართლა (სხვათა შორის, დღეს რენზინგი უკლუბოდაა). ასე რომ, ჰიონესს და რუმენიგეს რისკზე წასვლა აღარ სურთ და მზად არიან, ნოიერში 20 მილიონი გაისროლონ (თანაც, ამით ხომ უშუალო კონკურენტსაც დაასუსტებენ).
„ბუტს და კრაფტს კონტრაქტები სეზონის ბოლოს უმთავრდებათ და მხოლოდ იანვრის მერე გადავწყვეტთ, როგორ მოვიქცეთ სამომავლოდ“, - ეს ნერლინგერის ოფიციალური განცხადებაა.
