ამას წინათ გაუწყეთ, რომ "შტუტგარტში" მაურო კამორანეზის დღეები დათვლილია. იტალიელმა ნახევარმცველმა შვაბური კლუბის მენეჯერ ფრედი ბობიჩს გათავისუფლება სთხოვა და ეს უკანასკნელიც მზადაა, რომ მაუროს თხოვნა დააკმაყოფილოს, რადგან "შტუტგარტს" მსოფლიოს 2006 წლის ჩემპიონი აღარ სჭირდება. ჩვენი გერმანელი კოლეგების ცნობით, დიდი შანსია, რომ კამორანეზი ესპანურ "ერკულესში" გადავიდეს. იქ მას ყოფილი თანაკლუბელი, დავიდ ტრეზეგე დახვდება - როგორც იცით, ფრანგმა ფორვარდმა "ერკულესს" ზაფხულში მიაშურა. ტრეზეგე და კამორანეზი ერთად "იუვენტუსის" ღირსებას წლების მანძილზე იცავდნენ.
.
.
