ამ უქმეებზე, პრემიერლიგაში, „ლივერპული“ „ვესტ ბრომვიჩს“ ხვდება, ხოლო მერსისაიდელთა კაპიტანი სტივენ ჯერარდი ერთთვიანი მკურნალობის შემდეგ მოედანს უბრუნდება. ეს ამბავი იმით გახლავთ მნიშვნელოვანი, რომ „ვესტ ბრომვიჩს“ „წითლების“ ყოფილი თავკაცი როი ჰოჯსონი უდგას სათავეში. შეგახსენებთ, რომ ჰოჯსონმა „ლივერპულის“ სათავეში ექვსი თვე დაჰყო, იანვარში კი ის სამსახურიდან დაითხოვეს და აი, მას მერე იგი პირველად შეხვდება თავის ყოფილ მოთამაშეებს. ჯერარდი ამბობს:
„როი გადასარევი ადამიანი და ჩინებული მწვრთნელია, მაგრამ „ლივერპულში“ საქმეები ვერ აეწყო. მისი ხელმძღვანელობით გუნდი სტაბილურად ერთ დონეზე ვერ თამაშობდა და ამისათვის პასუხისმგებლობა ჩვენ,
აღსანიშნავია, რომ „ლივერპულის“ ფანები ჰოჯსონს თავიდანვე მტრულად შეხვდნენ. მიზეზი: მათ გუნდში ლეგენდარული კენი დალგლიშის დაბრუნება უნდოდათ.
„ჩვენი ფანები კენის აღმერთებენ და როდესაც რაფა ბენიტესის გადადგომის შემდეგ დაისვა საკითხი, ვინ მოვიყვანოთ, როი თუ კენი, ფანებმა დაუფიქრებლად კენის მხარე დაიჭირეს. ყოველთვის, როდესაც წავაგებდით ხალხი ჰოჯსონისკენ იშვერდა ხელს“.
