ინგლისური ფეხბურთის ვეტერანმა, ამერიკის „მეიჯორ ლიგ სოკერში“, კერძოდ კი „ლოს ენჯელეს გელექსიში“ მოთამაშე 36 წლის დევიდ ბექჰემმა განაცხადა, რომ ძალიან უნდა 2012 წელს ლონდონის ოლიმპიადაში მიიღოს მონაწილეობა.ინგლისის ნაკრების ყოფილმა კაპიტანმა თქვა: „მინდა რაიმე ფორმით ოლიმპიადის მონაწილე გავხდე. რასაკვირველია, ყველაფერს ფეხბურთელობა მირჩევნია, მაგრამ გუნდში რაიმე სხვა თანამდებობაზე თუ ამიყვანენ, ბედნიერი ვიქნები“.
