კარიერის გაგრძელებასთან დაკავშირებით მეკარემ მართლაც თავისებური გადაწყვეტილება მიიღო. საქმე ის გახლავთ, რომ მას თავიანთთან გადასვლას
"ინგლისის ნაკრებს თავს ვერ დავანებებ, - თქვა ვეტერანმა, - ვგრძნობ, რომ ჯერ კიდევ უმაღლესი დონის ფეხბურთს ვთამაშობ. ის დღე, როდესაც ამას აღარ ვიწამებ, ჩემი კარიერის ბოლო დღე იქნება".
მოგეხსენებათ, კაპელო დღეს-ხვალ 11 აგვისტოსთვის, უნგრელებთან სათამაშოდ შემადგენლობას დაასახელებს და ჯეიმსს ეჭვი არ ეპარება, რომ იტალიელი მწვრთნელის სიაში ის აუცილებლად ეწერება.
"სამხრეთ-დასავლეთ ინგლისს პრემიერლიგაში გუნდი არასდროს ჰყოლია და დროა ეს ნაკლი გამოვასწოროთ - განაგრძო ჯეიმსმა - "ბრისტოლ სიტის" თავმჯდომარესთან სტივ ლენსდაუნთან ბევრი ვილაპარაკე და ძალიან მომეწონა ყველაფერი, რაც თავის კლუბსა და მის ამბიციებზე მითხრა. ახლა უკვე ვიცი, რომ ბრისტოლელებს ახალი სტადიონის აშენება და პრემიერლიგაში აღზევება უნდათ.
რამდენიმე შემოთავაზება პრემიერლიგის კლუბებიდანაც მქონდა, მაგრამ ჩემს ასაკში, ოჯახის კაცისთვის კლუბის სწორად შერჩევას ძალიან დიდი მნიშვნელობა აქვს. პრემიერლიგაში რომ დავრჩენილიყავი ოჯახის ინტერესები უნდა დამეთმო - ჩემს სახლთან ახლოს პრემიერლიგის ერთი გუნდიც არ ბინადრობს. ბოლო ოთხ წელიწადში, განსაკუთრებით კი "პორტსმუთში" თამაშის წლებში, შინ ყოფნას ფაქტობრივად ვერ ვახერხებდი.
ხშირად, კვირაში ორი მატჩის ჩატარება მიწევდა, რაც იმას ნიშნავდა, რომ ცოლსა და შვილებს კარგა ხანს ვერ ვხედავდი. თუმცა, ისე ნუ გაიგებთ, თითქოს, ოღონდ კი სამხრეთ-დასავლეთში მოვხვედრილიყავი და ნებისმიერ გუნდს გავუფორმები კონტრაქტს. "პლიმუთი", მაგალითად, ჩემს სახლთან უფრო ახლოს არის მაგრამ პრემიერლიგაში გადასვლის ამბიცია არ აქვს".
დევიდ ჯეიმსი და მისი იჯახი, რომელიც მეუღლისა და ოთხი შვილისგან შედგება, როგორც შეიტყვეთ სამხრეთ-დასავლეთ ინგლისში, კერძოდ დივონში ცხოვრობს, ასე რომ სახლთან ახლოს ყოფინსათვის ვეტერანმა მართლაც საუცხოო ადგილი აირჩია.
შეგახსენებთ, რომ ხანგრძლივი კარიერის განმავლობაში მეკარემ პრემიერლიგაში 573 შეხვედრა ჩაატარა. სხვადასხვა წლებში ის თამაშობდა "ლივერპულში", "ასტონ ვილაში", "ვესტ ჰემში", "მანჩესტერ სიტისა" და "პორტსმუთში".
