"ბარკლაის" აზიის თასი "ჩელსიმ" მოიგო. გადამწყვეტ შეხვედრაში დასავლეთლონდონელებმა "ასტონ ვილას" აჯობეს 2:0. მანამდე, ნახერფინალში, "ლურჯებმა" ჰონკონგის "კიტჩის" მოუგეს 4:0, "ვილამ" კი "ბლექბერნს" 1:0 სძლია.დასავლეთლონდონელთა და ბირმინგემელთა თამაში კიდევ იმით იყო საინტერესო, რომ ნავსი გატყდა და როგორც იქნა გოლი გაიტანა ფერნანდო ტორესმა. 27 წლის ესპანელი ფორვარდი თავიდან სათადარიგოთა სკამზე იჯდა, მეორე ნახევარში კი მოედანზე შევიდა და ბურთთან პირველივე შეხება გოლით დაასრულა. "ლურჯების" პირველი გოლი კი 35-ე წამზე (!) ჯოშ მაკეჩრანმა შეაგდო. მატჩის შემდეგ, "ჩელსის" გახარებულმა მწვრთნელმა ანდრე ვილაშ-ბოაშმა თქვა:
"ასეთი
ახალ სეზონში ჩვენი მთავარი ამოცანა სახიფათო მომენტების შექმნა იქნება. ჩვენ უწინდელზე გაცილებით შემტევი ფეხბურთის თამაშს ვაპირებთ. გვინდა ბურთს მეტოქეებზე მეტხანს ვფლობდეთ და დღეს, "ასტონ ვილასთან" ეს შევძელით. კიდევ, კმაყოფილი ვარ, რადგან ეს შევძელით იმის მიუხედავად, რომ ბირმინგემელები საკმაოდ აგრესიულად გვეთამაშნენ. დასახული ამოცანა პირველსავე ტაიმში შესანიშნავად შევასრულეთ, ხოლო მეორე ტაიმი კიდევ უკეთესი იყო".
ყოველდღიური სპორტული გაზეთი "ლელო"
