ინგლისის ნაკრების თავკაცმა ფაბიო კაპელომ შეკრებაზე „დერბის“ მეკარე ფრენკი ფილდინგი გამოიძახა. მიზეზი: „ვესტ ჰემის“ 31 წლის კარის მცველი რობერტ გრინი დაშავდა.მოგეხსენებათ, ინგლისელთა ეროვნულ გუნდს ევროპის 2012 წლის შესარჩევ ჯგუფში ბულგარეთთან და უელსთან აქვს სათამაშო. კაპელოს თავდაპირველად შეკრებაზე გრინი ჰყავდა გამოძახებული და იგი მივიდა კიდეც საწვრთნელ ცენტრში, მაგრამ სულ მალე ნათელი გახდა, რომ ის G ჯგუფის ხსენებულ ორ შეხვედრაში მონაწილეობას ვერ მიიღებდა. ექიმებთან ბჭობის შემდეგ კაპელომ და მისმა ასისტენტებმა გადაწყვიტეს, გრინი სოფიაში აღარ წაეყვანათ და სამკურნალოდ „ვესტ ჰემის“ ექიმებისთვის დაებრუნებინათ.
ყოველდღიური სპორტული გაზეთი "ლელო"
