ლონდონის "ჩელსის" თავდამსხმელმა ფერნანდო ტორესმა პრემიერლიგას და ესპანეთის ჩემპიონატს შორის პარალელი გაავლო. მან უპირატესობა პრემიერლიგას მიანიჭა."პრემიერლიგა ლა ლიგაზე უკეთესი ტურნირია. მხედველობაში ორგანიზაციული და სტრუქტურული საკითხები მაქვს. თუმცა, ინგლისელები არამარტო ესპანელებს, არამედ მთელს მსოფლიოს სჯობიან.
ინგლისში გამორჩეულია გუნდებს შორის ფულის განაწილება, სტადიონებზე გულშემატკივრების დასწრება, რომელიც ყოველთვის 90%-ით სავსეა. ამავე დროს, მატჩების ჩვენების საათები და მოთამაშეთა იმიჯის გამოყენება. ეს ყველაფერი სულ სხვა დონეზე ხდება. ესპანეთში ასე არასდროს იქნება", - განაცადა ტორესმა.
მომზადებულია Marca-ს მიხედვით
