"იმის გამო, რომ მატჩი ხელოვნურ მოედანზე ჩავატარეთ, რამდენიმე ფეხბურთელი ვერ ვათამაშე. აარონ ლენონს მასზე თამაში არ შეუძლია, რობი კინს მუხლი აწუხებს და დიდი საფრთხე იყო, მდგომარეობა გართულებოდა, ხოლო თავის დროზე ტომ ჰადლსტოუნმა მძიმე ტრავმა სწორედ სინთეტიკურ გაზონზე მიიღო. ამას გარდა, ასეთ მოედანს შეჩვევა სჭირდება.
ევროპული ფეხბურთის მმართველი ორგანოს პასუხი კი ასეთია: "ხელოვნურსაფარიან მოედნებზე ჩემპიონთა ლიგის შეხვედრები შემდგომშიც ჩატარდება. ბერნში მოედნის საფარი ჩვენმა წარმომადგენლებმა შეამოწმეს და იგი ყველა საერთაშორისო სტანდარტს აკმაყოფილებდა. უეფას წესებით, ხელოვნურ მოედანზე თამაში მხოლოდ ჩემპიონთა ლიგის ფინალში არ შეიძლება".
