ასე და ამგვარად, ჯეიმს მილნერის "ასტონ ვილადან" გადაბირებამ ისტლენდელთა ზაფხულის დანახარჯი 130 მილიონ ფუნტამდე ანუ 203,134 ამერიკულ დოლარამდე აიყვანა, რაც მეტისმეტ სიზუსტეს ნუ მოგვთხოვთ და "იუნაიტედის" დანახარჯზე დაახლოებით 5,2-ჯერ მეტია. ახლა, "სიტის" თავკაცი ახალ შენაძენს მხოლოდ მას მერე შეხვდება,
"თავის დროზე აბსოლუტურად ყველა გუნდი ხარჯავდა ფულს. თან, თხუთმეტი წლის წინანდელ ამბებს კი არ გახსენებთ, სულ რაღაც ორი სამი წლის წინანდელი მინდა შეგახსენოთ. ბაზარი ბაზარია და ყველას, ვისაც კარგი ფეხბურთელების დამატება სურს ფულის გადახდა უხდება. ამაში განსაკუთრებულს ვერაფერს ვხედავ. ფერგიუსონის ნათქვამს ჩემთვის არანაირი მნიშვნელობა არ აქვს. მის შეხედულებას პატივს ვცემ, მაგრამ ვიმეორებ, "სიტის" მსგავსად თავის დროზე "იუნაიტედმაც" ძალიან ბევრი ფული გადაიხადა".
"სიტიდან" გაშვებული უელსელი ვარსკვლავი კრეიგ ბელამი კი თავისი მშობლიური ქალაქის გუნდში "კარდიფ სიტიში" გმირივით მიიღეს. ამასთან, ვარსკვლავმა, რომელიც პრემიერლიგის დონეზეც კი გამორჩეული ფეხბურთელი გახლდათ და ამიტომ მის "ჩემპიონშიფში" დაქვეითებას არავინ ელოდა, კარდიფელებს მყისიერი მოგება მოუტანა - საკლუბო მაღაზიებში იყიდება და იყიდება ბელამის 39 ნომრიანი მაისურები.
ინგლისური პრესის მონაცემებით მარტო პირველ სამ საათში ფანებმა 3 ათასი მაისურა იყიდეს, ხოლო შემოსავალმა 500 ათას ფუნტს გადააჭარბა. აღარაფერს ვამბობთ იმაზე, რომ შაბათს, "კარდიფ სიტისა" და "დონკასტერის" შეხვედრაში ტრიბუნაზე ნემსის ჩასავარდნი ადგილი აღარ იქნება. სტადიონზე 23 ათასი კაცი ეტევა და უკვე ყველა ბილეთი გაყიდულია. კარდიფელთა კლუბის აღმასრულებელმა შეფმა გეთინ ჯენკინსმა სიხარულით განაცხადა, რომ ახლა მას ეძლევა საშუალება შოტლანდიურ "მოზერუელს" მცველის პოლ ქუინის საფასური სრულად გადაუხადოს - კარდიფელებს ქუინის ძველი გუნდის 175 ათასი ფუნტი მართებთ.
