"არსენალის" მთავარმა მწვრთნელმა არსენ ვენგერმა "ჩელსისთან" ინგლისის პრემიერლიგის მე-10-ე ტურის მატჩზე ისაუბრა."ვფიქრობ, ბოლო თვის მანძილზე თამაში გავაუმჯობესეთ. ახლა ჩვენს სიმტკიცეს გამოცდა ელის. თუ დადებით შედეგს მივაღწევთ, ყველას დავუმტკიცებთ, რომ პირველი ოთხეულისთვის ბრძოლა შეგვიძლია. ამისკენ ვისწრაფვით და ყველაფრისთვის მზად ვართ.
ლონდონელები ახლა უფრო შემტევი სტილის ფეხბურთს თამაშობენ, მათ ხომ ხუან მატა დაიმატეს. ახლა ისინი საუკეთესო ფორმაში იმყოფებიან. ამიტომ დაცვაში კარგი თამაში გვმართებს. და როგორც ყოველთვის, თავადაც უნდა შევუტიოთ", - განაცხადა ფრანგმა სპეციალისტმა.
