"მანჩესტერ სიტის" თავკაცმა რობერტო მანჩინიმ ჟურნალისტებს განუცხადა, რომ კარლოს ტევესს ძირითად შემადგენლობაში დააბრუნებს, თუ ის ბოდიშს მოიხდის. მანჩინიმ ეს განცხადება "ვილიარეალთან" ჩემპიონთა ლიგის მატჩის წინ გააკეთა.
შეგახსენებთ, რომ ტევესმა მიმდინარე წლის სექტემბერში "ბაიერნთან" მატჩში ცვლილებაზე გასვლაზე უარი თქვა. თუმცა თავად არგენტინელი ფორვარდი მიიჩნევს, რომ მას არასწორად გაუგეს.
