"მანჩესტერ სიტიში" წარმოდგენა არ აქვთ ოდესმე კიდევ შეხვდებიან კარლოს ტევესს თუ არა. 27 წლის არგენტინელმა თავდამსხმელმა კარგად იცოდა, რომ ორშაბათს, კლუბის ოფისში თათბირზე უნდა გამოცხადებულიყო, სადაც მისი უნებართვოდ გაპარვის საკითხს განიხილავდნენ, მაგრამ არ გამოჩენილა. ახლა, ითვლება, რომ ის გაფიცულია.შეგახსენებთ, რომ კლუბი ტევესისთვის სამი კვირის ხელფასის, ნახევარ მილიონ ფუნტზე მეტის დაქვითვას აპირებს და შეიძლება გააგდოს კიდეც გუნდიდან. ისტლენდელთა პრეს-მდივანმა განაცხადა:
"კარლოს ტევესი არგენტინაშია. ის, როგორც ჩანს, დაბრუნებას არ აპირებს და ამიტომ აღარც ჩვენ ვაპირებთ ამ საკითხის კომენტირებას".
ფეხბურთელის წარმომადგენლებმა ცოტა
"შაბათ-კვირას "მანჩესტერ სიტისთან" ტელეფონით ბევრჯერ ვილაპარაკეთ. კარლოსი კვლავ არგენტინაშია. მხარეებს ძალიან უნდათ გამოსავალი ნახონ და, თან, რაც შეიძლება მალე. სავარაუდოდ, პრობლემა უახლოეს მომავალში გადაწყდება".
ყოველდღიური სპორტული გაზეთი "ლელო"
