ინგლისის ნაკრების ფეხბურთელ, გარეთ ბერის ინგლისის ნაკრების მე-2000-ე გოლის ავტორობა დაუბრუნეს. ბერიმ 15 ნოემბერს შვედეთის ნაკრებს გაუტანა. თავიდან გოლი მას ჩაუთვალეს, თუმცა შემდეგ შვედ დანიელ მაისტროვიჩს ავტოგოლად მიაწერეს. ამჯერად გოლის ავტორად კვლავ ბერი სცნეს.
შვედეთთან მატჩის 22-ე წუთზე ბერის თავური დარტყმა მაისტროვიჩს მოხვდა და კარში შევარდა.
ამხანაგურ მატჩებში გოლის ავტორის შესახებ საბოლოო გადაწყვეტილებას არბიტრი იღებს. ინგლისი-შვედეთის შეხვედრის მსაჯმა პაველ კრალოვეცმა ინგლისის ფეხბურთის ფედერაციას ანგარიში გაუგზავნა, სადაც გოლის ავტორად ბერია აღიარებული.
