ადამ ჯონსონი და „მანჩესტერ სიტი“ ახალ კონტრაქტს აწერენ ხელს. კონტრაქტი ოთხწლიანი იქნება და 24 წლის ფეხბურთელს ხელფასი გაუორმაგდება — ამიერიდან კვირაში 80 ათას ფუნტს მიიღებს. ამრიგად, ჯონსონის უახლოესი მომავალი გარკვეულია, არადა არცთუ დიდი ხნის წინ ის ისტლენდელთა მწვრთნელ რობერტო მანჩინიზე ნაწყენი იყო. გეხსომებათ, ერთ-ერთ ინტერვიუში მანჩინიმ ინგლისელის შრომისმოყვარეობა კითხვისნიშნის ქვეშ დააყენა. ახლა კი მანჩინიმ ასე თქვა: „კარგი ფეხბურთელი რომ არ იყოს, მასზე საერთოდ არ ვილაპარაკებდი. ამაზე, უბრალოდ, დროს არ დავხარჯავდი. არადა, როგორც ხედავთ, მე მის შესახებ ვლაპარაკობ, რადგან ჯონსონს ყველა
დაიზარებს, ევროპაში ერთ-ერთი საუკეთესო ჰაფბეკი გახსება“.
ცნობისათვის: 2010 წლის იანვარში ჯონსონი მანჩინის პირველი შენაძენი გახლდათ. მასში „სიტიმ“ „მიდლსბროს“ 7 მილიონი ფუნტი გადაუხადა. ისტლენდზე გადაბარგების შემდეგ ფეხბურთელმა 72 შეხვედრაში 12 გოლი გაიტანა.
ადამ ჯონსონზე კარგი აზრისაა „სიტის“ ლეგენდა, 68 წლის მაიკ სამერბი: „ამ ბიჭის მსგავსად სხვა ვერავინ თამაშობს. ის თავისი ცრუმოძრაობებით ხალხს აღაფრთოვანებს“.
ყოველდღიური სპორტული გაზეთი "ლელო"
