"ჩელსის" მთავარმა მწვრთნელმა ანდრე ვილაშ-ბოაშმა განაცხადა, რომ მისი გუნდი ყველა იმ ტურნირის მოგების შანსს ინარჩუნებს, რომელშიც მონაწილეობს."ძალიან მიხარია, რომ კვლავ ყველა ტურნირზე ვიბრძვით და ყველგან კარგი შანსი გვაქვს. პრემიერლიგის მოგების პრეტენდენტი ბევრი გუნდი ჩანს, წამყვანი გუნდების უმეტესობა ლიგის თასზე ასპარეზობას განაგრძობს, ჩემპიონთა ლიგაში კარგად ვასპარეზობთ, ინგლისის თასზე მონაწილეობა გველის, ამიტომ ყველა ფრონტზე ძალიან კარგი შანსი გვაქვს", - თქვა პორტუგალიელმა სპეციალისტმა.
დღეს "ჩელსი" პრემიერლიგის მე-12 ტურში საკუთარ მოედანზე "ლივერპულს" დაუპირისპირდება.
