"ასტონ ვილას" 27 წლის თავდამსხმელს, დარენ ბენტს ქომაგების წინაშე ბოდიშის მოხდა მოუწია - მაშინ, როდესაც მისი გუნდი შინ, "ლივერპულთან" 2:0-ს აგებდა, ის მაღაზიებში შოპინგზე წასულა. ბენტი მერსისაიდელებთან ტრავმის გამო არ თამაშობდა, მაგრამ ეს, რასაკვირველია, იმას არ ნიშნავს, რომ თამაში საერთოდ არ უნდა ენახა.
ფეხბურთელის საქციელის გამო "ტვიტერში" ერთი ამბავი ატყდა. ფოტოც კი გავრცელდა - ბენტი მაღაზიაში. 24 მილიონ ფუნტად შეძენილ ფორვარდს ფანებმა სულ უგულო და დაქირავებული მუშაკი უწოდეს.
მოგვიანებით ბენტმა "ტვიტერის" საშუალებითვე მოიხადა ბოდიში. მან დაწერა:
"ჩემთვის ფეხბურთის თამაშზე მნიშვნელოვანი
"ვილას" მწვრთნელმა, ალექს მაკლიშმა ჟურნალისტებს უთხრა, რომ ბენტმა "ლივერპულთან" ვარჯიშზე მიღებული ტრავმის გამო ვერ ითამაშა.
როდესაც ზოგიერთმა ეჭვი გამოთქვა, რომ ტრავმა გამოგონებული მიზეზია, "დიდი ეკი" გაბრაზდა:
"ჩემი თვალით ვნახე ბენტის დაშავების ეპიზოდი. სამშაბათის ვარჯიშზე კარში რომ დაარტყა საზარდული ეტკინა და იმწუთასვე მოუხდა მოედნიდან გასვლა. ვერ ვიტან ამ კონსპირაციის თეორიას. როგორ ფიქრობთ, დარენს თამაში რომ შეძლებოდა "ლივერპულის" წინააღმდეგ მოედანზე არ გავიყვანდი?"
ყოველდღიური სპორტული გაზეთი "ლელო"
