"ლივერპულის" მთავარმა მწვრთნელმა, კენი დალგლიშმა განაცხადა, რომ არ უკვირს, მიმდინარე სეზონში მერსისაიდელთა დაცვა ასე კარგად რომ გამოიყურება."სრულებით არ არის სიურპრიზი, რომ დაცვაში ასე კარგად ვთამაშობთ. თავად ნახეთ: გუნდში პრემიერლიგის საუკეთესო მეკარე გვყავს. ამას დავუმატოთ ინგლისის ნაკრების შესანიშნავი მარჯვენა მცველი და კიდევ ორი ძლიერი ნაკრების ძირითადის მცველი - დანიელი დანიელ აგერი და სლოვაკი მარტინ შკრტელი.
ამასთან, მათთან ერთად თამაშობს ძალიან პერსპექტიული მცველი ხოსე ენრიკე.
ისიც არ უნდა დაგვავიწყდეს, რომ დაცვა ნახევარდაცვისა და თავდასხმის მოთამაშეებისგან კარგ მხარდაჭერას იღებს", - თქვა დალგლიშმა.
