"არსენალის" მთავარმა მწვრთნელმა, არსენ ვენგერმა, რომლის გუნდმაც ინგლისის პრემიერლიგის მე-17-ე ტურის მატჩში "ასტონ ვილა"(2:1) დაამარცხა, თამაშის შემდეგ აღიარა, რომ ამ შეხვედრაში "მეთოფეებს" ფორტუნა წყალობდათ."გაგვიმართლა? დიახ, იმიტომ რომ "ასტონ ვილა" ძალიან კარგად თამაშობდა. გასვლით მატჩებში თამაში გვიჭირს, მაგრამ ამ მატჩის პირველი ტაიმი კარგი გამოვიდა - თამაშს ვაკონტროლებდით. მეორე ტაიმში გოლი გავუშვით, თამაშის სადავეები ხელიდან გავუშვით, მაგრამ თანდათან უპირატესობა მოვიპოვეთ და გამარჯვების გოლი გავიტანეთ. ძალიან საინტერესო თამაში იყო. თუ "ვილა" ყოველ ჯერზე ასე ითამაშებს, სატურნირო ცხრილში ამაღლდება", - თქვა ვენგერმა.
