"ვესტ ბრომვიჩთან" მატჩისთვის მზადების წინ "მანჩესტერ სიტის" მთავარი მწვრთნელის, რობერტო მანჩინის მთავარი პრობლემა, შესაძლოა, ბოსნიელი ფორვარდის, ედინ ჯეკოს არყოფნა გახდეს. როგორც ინგლისური მასმედია იუწყება, ჯეკო, რომელმაც "სტოკ სიტისთან" მატჩი კოჭის ტრავმის გამო გამოტოვა, შეხვედრისთვის გამოჯანმრთელებას ვერ ასწრებს და "ვესტ ბრომვიჩთან" შეხვედრაში მისი მონაწილეობა სათუოა. ამას გარდა, დაშავდა მცველი მიკი რიჩარდსიც.
